Գլոբալ Ռիսորս Ինջինիրինգ (Ջի-Ար-Ի) ընկերությունը հանքարդյունաբերության ոլորտում մասնագիտացված ընկերություն է։ Մեր նպատակն է արժևորել ձեր նախագիծը և ընկերությունը` գնահատելով ձեր կարիքները, աշխատելով նորարարական մտահղացումներով և կիրառելով ողջամիտ ճարտարագիտական փորձ` միաժամանակ պահպանելով տնտեսապես հիմնավոր մոտեցումը։ 

​

Մինչդեռ այլ ընկերությունները ունեն «մենք առաջատար փորձագետներ ենք» վերաբերմունքը իրենց հաճախորդների նկատմամբ, որը նվազեցնում կամ հաճախ անտեսում է հաճախորդի փորձը իր իսկ տարածքում, մենք կաշխատենք սերտորեն համագործակցել ձեզ և ձեր թիմի հետ ՝ ապահովելով այնպիսի լուծում, որը լիովին կբավարարի ձեր կարիքներն ու ակնկալիքները։ Մեր թիմը հանքարդյունաբերությունը համարում է որպես բարդ և բազմաշերտ բիզնես, որտեղ յուրաքանչյուր խնդրի լուծումը կարող է անկանխատեսելի ազդեցություն ունենալ նախագծի ցանկացած հատվածի վրա։ «Ջի-Ար-Ի» ընկերությունում նախագիծը համարվում է ամբողջական, անկախ նրանից, թե որ ուղղությամբ են տարվում մեր աշխատանքները։ Մեր հաճախորդների խոսքով մենք ապահովում ենք անհատականացված ծառայություններ, հետևողական և բարձր որակի աշխատանք, ինչպես նաև անհամեմատ լավ հաղորդակցություն, քան ավելի խոշոր ընկերությունները։ 

​

Հանքարդյունաբերության ոլորտում մեր խորհրդատվական ծառայությունները ներառում են՝ երկրաբանական քարտեզագրում և մոդելավորում, հիդրոլոգիա, ռեսուրսների և պաշարների գնահատում, բացահանքի և ստորգետնյա հանքերի նախագծում, հանքավայրերի պլանավորում և օպտիմալացում, ֆինանսական վերլուծություն և սահմանափակումների (խնդիրների) մոդելավորում, մետալուրգիական նախագծում և տեխնոլոգիական գործընթացի շղթայի (բլոկ սխեմայի) կազմում, պրոցեսների աուդիտ, հանքաքարի կույտային լուծազատման և պոչամբարների նախագծում, հանքի թափոնների տեղադրման նախագծում, գեոքիմիական ռիսկերի նվազեցում, գեոտեխնիկա, թթվային դրենաժի աուդիտ և մեղմում, հանքի փակման նախագծում, դաշտային հետազոտություններ, ջրերի կառավարում, ստորգետնյա ջրերի մոդելավորում և նախագծի շրջանակներում ջրային բալանսի կազմում, նախագծի նախնական պատշաճ ուսումնասիրություն և հողերի կառավարում։

​

 «Ջի-Ար-Ի» ընկերության համար մեծ պատիվ էր 2013 թվականին Դենվերում արժանանալ «Ամենաարագ Աճող Բիզնես» մրցանակին: «Ջի-Ար-Ի» ընկերության փորձագետները ներկայացրել են իրենց աշխատությունները Պերումին-ում, թթվագոյացման միջազգային խորհրդին, հանքավայրերի ջրերի միջազգային ասոցիացիային, ԱԼՏԱ պղնձի համաժողովին, հանքավայրերի կայունության և բնապահպանական կառավարման համաժողովին, միջազգային բիոհիդրոմետալուրգիական սիմպոզիումում և այլ տեղեր: